Mas kúıde kólik júrgizgen elordalyq 20 táýlikke qamaldy

NUR-SULTAN. QazAqparat – Elordanyń polıtsııa qyzmetkerleri mas kúıde kólik aıdaǵan júrgizýshini ustady. Sot sheshimimen ol 20 táýlikke qamaýǵa alyndy, dep habarlaıdy QazAqparat tilshisi.

«28 qyrkúıek kúni saǵat 16.00-de «102» nómirine Momyshuly men Jumabaev kóshelerinde «Toyota Highlander» markaly avtokóliktiń jol erejesin birneshe ret buzǵany týraly habarlama kelip tústi. Osy habarlamadan keıin polıtsııa qyzmetkerleri atalmysh kólikke mingen júrgizýshini Abylaı han kóshesinen ustady. Ol mas bolǵan. Tekserý kezinde jas jigittiń júrgizýshi kýáligi de bolmaǵany anyqtaldy», - dep habarlaıdy ІІM baspasóz qyzmeti.

Zań buzǵan júrgizýshige qatysty Ákimshilik kodekstiń birneshe baby (608-baby 6-bóligi, 599-baby 1-bóligi, 600-baby 1-bóligi, 596-baby 1-bóligi) boıynsha ákimshilik hattama toltyrylǵan. Sot sheshimimen ol 20 táýlikke qamalǵan. Kólik kommýnaldyq aıyp turaǵyna jetkizildi.