Mas er adam Eıfel munarasyn «baǵyndyrmaq» bolǵan
ASTANA. QazAqparat - Parıj polıtsııasy mas er adamdy Eıfel munarasyna órmelep bara jatqan kezde tutqynǵa aldy, dep habarlady The Local. Ol tártip kúzetshileri ustaǵanǵa deıin 30 metr bıiktikke baryp qalǵan.
Onymen qysqasha kelissózder júrgizilgennen keıin «alpınıst» óz erkimen monýmentten tústi jáne sol jerde tutqyndaldy. Tártip buzýshy óziniń bul qylyǵynyń sebebin túsindirip, aıtyp bere almaǵan.
Eıfel munarasyna bir adamnyń órmelep bara jatqany týraly polıtsııa bólimshesine qońyraý tańerteńgi saǵat 3.15-te soǵyldy. Mamandar sol boıda jetip, 30 jastardaǵy er adamnyń mas kúıinde órmelep bara jatqanyn kórgen. Onyń kim ekendigi jáne ulty qandaı ekeni habarlanǵan joq. Onyń isi sotqa berilmek, biraq oǵan qandaı aıyp taǵylǵany habarlanbady.
