Mas azamat selfı jasaımyn dep, Lenınniń eskertkishin qıratty
ASTANA. QazAqparat - Er adam Tomsk oblysynyń soltústiginde Kargasok aýdanynyń ortalyǵynda ornatylǵan Lenınniń eskertkishin qıratty, dep habarlady TASS ІІM óńirlik basqarmasyna silteme jasap.
RFKP óńirlik bólimshesiniń derekterine súıensek, jas jigit sýretke túspekshi bolǵan kezinde eskertkishtiń joǵary bóligin syndyryp alǵan.
«Kargasok aýylynda polıtsııa qyzmetkerleri kúdiktini ustady. Aldyn ala aqparat boıynsha, 26 jastaǵy er adam ishimdikke toıyp alyp, eskertkishti buzaqylyq áreketpen zaqymdaǵan», - dedi polıtsııa ókili.
Jas jigittiń áreketi usaq buzaqylyq retinde baǵalandy: eskertkishti búldirgeni úshin ol 1 myń rýbl kóleminde aıyppul tóleıdi ne bolmasa 15 kún qamaýǵa alynady.
