Mas atyraýlyq 20 kúnge qamalyp, júrgizýshi kýáliginen 7 jylǵa aıryldy
Oblystyq polıtsııa departamentiniń baspasóz qyzmetinen málim etkendeı, mas júrgizýshi elektr baǵanasyna soǵylǵan.
«Ehseed avtokóliginiń júrgizýshisi 28 maýsymda jergilikti ýaqytpen 17:40 shamasynda Atyraý qalasynyń Quttyǵulov-Erkinov kósheleriniń qıylysyndaǵy elektr baǵanasyna soǵyldy. Jol-kólik oqıǵasyna júrgizýshiniń orta dárejeli mas kúıde kólik rýline otyrǵany sebep bolǵan. Júrgizýshiniń alkogoldik ishimdik ishkeni medıtsınalyq saraptama qorytyndysymen dáleldendi», -dep habarlady departamenttiń baspasóz qyzmeti.
Patrýldik polıtsııa batalonynyń qyzmetkerleri júrgizýshige qatysty QR Ákimshilik quqyq buzýshylyq týraly kodeksiniń 608-babynyń 3-bólimimen (Osy baptyń birinshi bóliginde kózdelgen, jábirlenýshiniń densaýlyǵyna qylmystyq jazalanatyn is-áreket belgileri joq zııan keltirýge nemese kólik quraldaryn, júkterdi, jol qurylystary men ózge de qurylystardy ne ózge múlikti búldirýge ákep soqqan áreketter ) ákimshilik hattama toltyrdy. Atyraý oblysynyń mamandandyrylǵan ákimshilik sotynyń sheshimimen júrgizýshi 7 jyl merzimge júrgizý quqyǵynan aırylyp, 20 táýlikke ákimshilik qamaqqa alyndy.
Eske sala ketelik, Atyraýda mas júrgizýshiniń biri 20 kúnge qamalyp, ekinshisi 7 jylǵa júrgizýshi kýáliginen aıyrylǵanyn jazǵan edik.
Júrgizýshi kýáligi joq er adam kólik rýline orta dárejeli mas kúıde otyrǵan. Ol 20 táýlikke ákimshilik qamaqqa alyndy. Al, mas kúıde kólik júrgizgen áıel 7 jylǵa júrgizýshi kýáliginen aıryldy.
Keıin Atyraýda ishimdik ishken sheteldik 15 táýlikke qamalyp, júrgizýshi kýáliginen aırylǵanyn habarlaǵan bolatynbyz.
