Marjyqpaev Esildegi mektepti kútip ustaýǵa qatysty eskertý jasady
KÓKShETAÝ. QazAqparat - Esil qalasyndaǵy №1 orta mekteptiń shatyryn jóndeý úshin oblystyq bıýdjetten 47 mıllıon teńge qarjy bólindi. Bul týraly Aqmola oblysy ákimi Ermek Marjyqpaevtyń jumys babymen Esil aýdanynda bolǵanynda aıtyldy, dep habarlaıdy QazAqparat tilshisi Aqmola oblysy ákimdiginiń baspasóz qyzmetine silteme jasap.
Aımaq basshysy aldymen, Svobodnyı aýylyndaǵy blokti-modýldi qazandyqtyń jumysymen tanysty. 2019 jyly Svobodnyı aýylyn jylýmen jabdyqtaýdy qamtamasyz etý maqsatynda 71 mıllıon teńge qarjyǵa blok-modýldi qazandyq satyp alynǵan. Sondaı-aq, 14 mıllıon teńgege uzyndyǵy 4 shaqyrym jylý jelisi tartylǵan.
«Budan ári, aımaq basshysy Esil qalasyndaǵy №1 orta mektepte boldy. Bıylǵy jyly atalmysh mekteptiń shatyryn jóndeýge oblystyq bıýdjetten 47 mıllıon teńge qarjy bólindi. Mekteptiń ishin aralap kórý kezinde aımaq basshysy bilim berý nysanynda kútip ustaýǵa qatysty birqatar eskertýler jasady», - dep jazylǵan Aqmola oblysy ákimi Ermek Marjyqpaevtyń áleýmettik jelidegi paraqshasynda.
