Marjan Arapbaevanyń áni úzdik áskerı án atandy (FOTO)
Bul týraly QR Qorǵanys mınıstrliginiń baspasóz qyzmetinen habarlady.
Shyǵarmashylyq baıqaý QR Qorǵanys mınıstrligimen daryndy jastardy anyqtaý jáne olarǵa qoldaý kórsetý, áskerı qyzmettiń mańyzdy ekenine qoǵamnyń nazaryn burý úshin jarııalandy. Ózderiniń jumystaryn baıqaý komıssııasyna Qazaqstannyń túkpir-túkpirinen 25-ten asa avtor joldaǵan bolatyn. Baıqaý qoǵamnyń qyzyǵýshylyǵn oıatyp, ár jyldary ómiri armııamen tyǵyz baılanysty bolǵan jáne áskerı qyzmet pen áskerdiń tynys-tirshiligin jaqsy biletinderdiń júrekterinen oryn tapty. Baıqaý jumystaryn baǵalaý kezinde quramyna kásibı mýzykanttar men áskerı sala ókilderi kirgen ádilqazylar alqasymen oryndaý sheberligi, mátinniń biregeıligi, berilgen taqyrypqa mýzykalyq kompozıtsııanyń sáıkes kelýi, sondaı-aq ónerdi jalpy sezinýi eskerildi.
Baıqaýdyń shyńyraý shegine QR QM Ortalyq áskerı ansambldiń jas mýzykanty Jansultan Jumaǵalıevtiń oryndaýyndaǵy Marjan Arapbaeva men Ábdirahman Asylbektiń «Armııamyz aıbyndy!» atty shyǵarmashylyq dýettiń jumysy shyqty. Armııalyq qyzmet týraly úzdik kompozıtsııa baıqaýynyń fınaldyq akkordy kásibı turǵydaǵy án beınebaıanynyń túsirilimi bolmaq.