Marvel Entertainment basshysy jumysynan qysqartyldy

NЬıÝ-IORK. QazAqparat - Marvel Entertainment tóraǵasy Aızek Perlmýtterge The Walt Disney Company kompanııasynyń shyǵyndardy qysqartý boıynsha aýqymdy kampanııasy aıasynda jumystan shyǵardy, dep habarlaıdy QazAqparat The New York Times-qa silteme jasap.

Sársenbide 80 jastaǵy Aızek Perlmýtterge telefon arqyly tutyný ónimderine mamandanǵan jáne Marvel Studios-tan bólek jumys isteıtin shaǵyn bólimshe sanalatyn Marvel Entertainment Disney-diń iri bıznes bólimshesimen biriktiriletinin, al ol jumystan qysqaratynyn habarlaǵan.

Osy aptanyń basynda Disney kompanııasy 7000 jumys ornyn qysqartýǵa kiristi, bul onyń qyzmetkerleriniń jalpy sanynyń shamamen 4% quraıdy. Kóptegen jumysshylardy qysqartý kompanııaǵa qarjylyq nátıjelerdi jaqsartýǵa jáne strımıng-kontent arqyly kiristerdiń ósýin qamtamasyz etýge kómektesedi.

Aızek Perlmýtter ashýlanshaq jáne qatygez basshy retinde tanymal. Onyń áriptesteri Rob Steffens, Marvel Entertainment kompanııasynyń teń prezıdenti jáne bólimsheniń bas keńesshisi Djon Týrıtsın de qysqartyldy.

Marvel Entertainment prezıdenti Den Baklı, óz qyzmetinde qalady jáne Marvel Studios prezıdenti Kevın Faıgıge baǵynady.

Aızek Perlmýtter Marvel kompanııasyn Disney-ge 2009 jyly 4 mıllıard dollarǵa satqan bolatyn.