Martın Mıýrreı men Golovkın arasynda rematch bolýy múmkin be

ASTANA. QazAqparat - Boxingnews24.com jýrnalısi Skott Gılfoıd Brıtanııanyń orta salmaqtaǵy jańa WBC Silver chempıony Martın Mıýrreı reıtıngtiń úzdik úshtigine ilingenine tańdanys bildirdi, dep jazady Sports.kz.

Onyń aıtýynsha, boksshynyń Golovkınmen ekinshi ret jekpe-jek ótkizýine bul da septigin tıgize almaıdy.

«WBC Silver beldiginiń ıesi Roberto Garsııany jeńgennen keıin orta salmaqtaǵy álem chempıonyna úmitker Martın Mıýrreı WBC reıtınginiń ekinshi satysyna kóterildi. Mıýrreıdiń reıtıngte kósh bastaýy múmkin ekendigin oılaýdyń ózi qorqynyshty, óıtkeni onyń sońǵy 10 kezdesýi tym jalyqtyryp jiberdi. Endi ol álem chempıony Gennadıı Golovkınmen rematch ótkizýdiń az-aq aldynda tur. Úsh jyl burynǵy kezdesýde ol 11-raýndta tehnıkalyq nokaýtpen jeńilgen. Golovkın ekinshi ret kezdesýge kelisim bermeıtin shyǵar. Óıtkeni bul jekpe-jekten tabys az bolady ári ol HBO PPV arqyly da translıatsııa jasalmaıtyn edi. Mıýrreı tipti óziniń Ulybrıtanııasynda da juldyz emes», - dep jazady sarapshy.