Martın Mıýrreı: «Golovkınmen básekelesý - men úshin jaqsy múmkindik»
ASTANA. QazAqparat - Golovkınmen básekelesý - jaqsy múmkindik, dep esepteıdi Martın Mıýrreı.
32 jastaǵy brıtanııalyq M. Mıýrreı álem chempıony ataný úshin eki ret kúresken. Eki jaǵdaıda da kezdesý onyń paıdasyna sheshilmedi. 2011 jyly Felıks Shtýrmmen jekpe-jegte ekeýi teń tústi. Al 2013 jyly Mıýrreı Serhıo Martınesti nokdaýnǵa jibergenine qaramastan, odan jeńilgen, dep jazady sports.kz .
21 aqpanda Monakoda Mıýrreı WBA (Super) ı WBC (Interim) nusqalary boıynsha ortasha salmaqtaǵy álem chempıony 32 jastaǵy qazaqstandyq Gennadıı Golovkınmen básekelesedi.
«Úzdik boksshylarmen kúsh synasqym kelgen. Golovkın - orta salmaqtaǵy boksshylardyń úzdigi, - dedi Mıýrreı BehingTheGloves.com.-ge bergen suhbatynda - Buryn úzdik dep oılaǵan Martınespen kúreskenmin. Tájirıbem bar. Qıyn jekpe-jek bolatynyn bilemin. Bul syndy taǵatsyzdana kútip otyrmyn. Men úshin bul - jaqsy múmkindik».
