Martın Mıýrreı: Golovkındi 160 fýntta eshkim jeńe almaıdy
ASTANA. QazAqparat - Qazaqstandyq boksshy Gennadıı Golovkınniń (37-0, 33 KO) burynǵy qarsylasy brıtandyq Martın Mıýrreı (34-4-1, 16 KO) orta salmaqtaǵy GGG qarsylastarynyń múmkindikterine tómen baǵa berdi, dep jazdy Sports.kz.
- Sonders - tamasha boksshy, biraq Golovkınmen jekpe-jekte oǵan esh múmkindik berilmeıdi. 160 fýntta Golovkındi eshkim jeńe almaıdy. Djeıkobspen aıqasta Golovkın ádettegideı sylbyr qozǵaldy, biraq sóıte tura, álemdegi úzdik orta salmaq boksshylarynyń birin jeńdi, - degen Mıýrreıdiń sózin keltiredi Boxing News jýrnaly.
Golovkın men Mıýrreı 2015 jyly 21 aqpanda Monte-Karloda kezdesti. Bul aıqasta 11-raýndta Gennadıı tehnıkalyq nokaýtpen jeńiske jetken edi.
