Mártebeli sporttyq jarystarda jeńisti oryndardy ıelengen birqatar elordalyqtarǵa aqshalaı syıaqy tapsyryldy
ASTANA. QazAqparat - Búgin Astana qalasyndaǵy Olımpıadalyq daıarlaý ortalyǵynda halyqaralyq mártebeli jarystarda jeńisti oryndardy ıelengen birqatar sportshylar aqshalaı syıaqymen marapattaldy.
Úzdik retinde Astanadaǵy Olımpıadalyq daıarlaý ortalyǵy bapkeri Ekaterıny Esıkovanyń jetekshiligimen kórkem gımnastıka bólimi tanyldy. Ótip bara jatqan jylda ІІ Jasóspirimder Olımpıada oıyndarynda bes sportshydan quralǵan komanda qola medaldi jeńip aldy. Ortalyqta bul jetistikti joǵary baǵalap otyr. Osy oraıda sportshylar 3000 dollar kólemindegi sertıfıkattarmen marapattaldy. «Úzdik sportshy» atalymynda baıdarkalyq esý sportshysy Ekaterına Kaltenberger marapatqa ıe boldy. Vengrııada ótken ıÝnıorlar arasyndaǵy álem chempıonatynda ol Zoıa Ananchenkomen juptasa úshinshi orynǵa qol sozdy. Sonymen qatar Inchhonda Azııa oıyndarynda qolany jeńip aldy. Bul sportshyǵa 5000 dollar kóleminde syıaqy tapsyryldy. Munymen qosa sınhrondy júzýden Azıada-2014-tiń qola júldegerleri apaly-sińlili Ekaterına jáne Aleksandra Nemıchterge 1000 dollardan tabystaldy. Aıta keteıik, halyqaralyq jarystarǵa osy sportshylardy daıarlaǵan bapkerler de atalyp ótti.
