Mártebe úshin jol talǵamaıtyn úlken kólikterdi alatyndar mádenıetsizdigi men saýatsyzdyǵyn kórsetip otyr - Memleket basshysy

ASTANA. 3 shilde. QazAqparat - Mártebe úshin jol talǵamaıtyn úlken kólikterdi alatyndar jáne osyndaı abyroı úshin tankige otyrýǵa daıyndar ózderiniń mádenıetsizdigi men saýatsyzdyǵyn kórsetip otyr.

Bul týraly búgin Astanadaǵy ÚIIDMB iske asyrýǵa arnalǵan ındýstrııalyq forýmda QR Prezıdenti Nursultan Nazarbaev málim etti.

«Eger aýqattylar 200 myńǵa (AQSh dollary) avtokólik alyp júrse, júre bersin. Degenmen de barsha baı Batys elderinde otbasylar shaǵyn kólikterdi satyp alady. Sebebi, bul úlken avtokólikterdi turaqqa qoıý, onymen qalada júrý múmkin emes. Sonymen qatar benzınge shyǵystar da tórt ese artyq. Al bizde endi ǵana baıyǵandar endi tankilerdi jeńil kólik sekildi satatyn bolsa, oǵan da minýge daıyn. ıAǵnı, ózin baıqatý úshin bundaı tehnıkany mártebe dep sanaıdy. Osyny mádenıetsizdik, saýatsyzdyq dep baǵalaýǵa bolady», - dep atap ótti Elbasy.