Marstyń magnıttik qabyqshasyn zertteý úshin eki zond ushyryldy
ASTANA. KAZINFORM — Amerıkalyq mıllıarder Djeff Bezos negizin qalaǵan Blue Origin kompanııasynyń New Glenn zymyran tasyǵyshy Marstyń magnıttik qabyqshasyn zertteý úshin ESCAPADE zondtaryn ǵaryshqa ushyrdy. Bul týraly Report agenttigi jazdy.
Atalǵan zondtardy amerıkalyq ǵalymdar ázirlegen.
Raketa Florıda shtatynyń Kanaveral múıisinen jergilikti ýaqyt boıynsha 15:55–te ushty. Kompanııa 34 mınýttan keıin spýtnıkterdiń Marsqa bet alǵan ǵarysh kemesinen bólingenin rastady. Zondtar planetanyń orbıtasyna 2027 jyldyń qyrkúıeginde jetedi.
Bastapqyda ushyrý 9 qarashaǵa josparlanǵan edi. Alaıda aýa raıynyń qolaısyzdyǵy men kún belsendiliginiń joǵarylaýyna baılanysty eki ret keıinge shegerildi.
New Glenn Ilon Masktyń SpaceX zymyran tasyǵyshymen básekelese alady. Onyń alǵashqy synaǵy bıyl qańtar aıynda ótti. Zymyran tasyǵyshtyń bul jolǵy ushyrylýy, onyń ekinshi múmkindigi boldy.
Aıta keteıik, ǵalymdar Marsta ejelgi tirshilik belgilerin tapty. Zertteýshiler ejelgi mıkroskopııalyq ómirdiń izderi bolýy múmkin erekshe daqtary bar taý jynystaryn tapty.