Marstan kól tabyldy
ASTANA. QazAqparat - Ǵalymdar Marstan tirshiliktiń kózi - sýdyń tabylǵanyn jarııa etti, dep habarlaıdy BBC News.
20 shaqyrymǵa sozylǵan kól ǵalamshardyń ońtústik polıýsinde ornalasqan jáne onyń betin qalyń muz jaýyp jatyr.
Bul jańalyq «Mars-ekspress» planetaralyq stansasynda ornatylǵan Marsis radarynyń kómegimen belgili bolǵan.
Budan buryn zertteýshiler Marstyń betinde keıde erigen muzdyqtardyń sýlary jatatynyn boljaǵan edi. Alaıda, Qyzyl planetada udaıy sýyq sý rezervýarynyń bar ekenine alǵash ret negiz paıda boldy.
NASA-nyń «Kıýrıosıtı» qurylǵysy planetanyń betinen kepken kóldi taýyp, buryn Marsta sý bolǵanyn dáleldegen edi. Alaıda, odan beri planetadaǵy temperatýra aıtarlyqtaı tómendep, sýdyń kóp bóligi muzǵa aınaldy.
«Ol shaǵyn kól bolýy múmkin», - dedi zertteý jetekshisi, Italııa ulttyq astrofızıka ınstıtýtynyń professory Roberto Oroseı.
Radar muz jamylǵysynyń qalyńdyǵyn esepteı alǵan joq, alaıda ǵalymdar bir metrden az emes dep boljam jasaýda.
