Marstan kól orny tabyldy
ASTANA. 11 jeltoqsan. QazAqparat - Amerıkandyq Curiosity qurylǵysy Marsta buryn bolýy múmkin tuşy sýly kóldiń izin tapty. Mamandardyń pikirinshe, 3,6 mlrd. jyl buryn bolǵan bul kólde, mysaly, beıorganıkalyq qosylystardyń qyshqyldanýynan energııa alatyn chemolithoautotrophs - hemolıtoavtotrofty bakterııalar ómir súrýi múmkin.
Jerde bundaı bakterııalar ádette kún túspeıtin jerlerde, úńgirlerde kezdesedi. Sonymen qatar, zertteýshiler Marsta ómir súrý belgileri áli de tabylmaǵandyǵyn aıtýǵa asyqty. «Marsta ertede ómir súrý belgilerin anyqtamaǵandyǵymyzdy atap ótken jón. Biz tek ázirge Geıla kraterinde mıkrobtardyń ómir súrýine jaǵdaı jasaǵan myqtaǵanda bir kólshiktiń bolǵanyn ǵana bilemiz. Bunyń ózi Marsty zertteýdegi eń úlken qadam», - dedi Londondaǵy Imperııalyq kolledjdiń zertteýshisi Sandjıv Gýpta.
Eske sala keteıik, Curiosity Marsqa 2012 jylǵy tamyzda qonǵan bolatyn. Marstyq baǵdarlamany júzege asyrý NASA-ǵa 2,5 mlrd. dollarǵa tústi.
