Marstaǵy NASA Perseverance apparaty jańa selfı túsirdi
ASTANA. KAZINFORM – Osy aptada NASA agenttiginiń Perseverance marsohody Qyzyl ǵalamshardyń kórkem kórinisi aıasynda túsirilgen jańa selfı fotosyn joldady, dep habarlaıdy ABC News.
Seısenbi kúni NASA Marstaǵy ózdiginen júretin Perseverance apparaty túsirgen jańa sýretti jarııalady. Ǵylymı toptyń baspasóz habarlamasynda aıtylǵandaı, kadr zertteýshiler «Sharm kóli» dep ataıtyn aýmaqta túsirilgen.
NASA málimetinshe, sýret 61 bólek fotodan qurastyrylǵan.
– Selfıde Perseverance marsohodynyń aldyńǵy plandaǵy jartasty shyǵyńqy bólikke qaraı machtasyn baǵyttap turǵany kórinedi. Ol buǵan deıin dóńgelek abrazııalyq iz jasaǵan. Al artqy planda Ezero krateriniń batys jıegi baıqalady. Abrazııa kezinde marsohod jynys betiniń bir bóligin tegisteıdi. Bul ǵylymı topqa onyń ishki quramyn zertteýge múmkindik beredi, – dep jazdy ǵarysh agenttigi.
Selfı 11 naýryz, dúısenbi kúni, marsohodtyń kraterdiń batys shekarasynan tys eń alys núktege jetýi kezinde túsirilgen.
NASA derekterine sáıkes, jaqynda Marstaǵy 1800-shi kúnin atap ótetin marsohod buǵan deıin alty ret «selfı» jasaǵan. Perseverance Qyzyl ǵalamsharǵa 2021 jylǵy 18 aqpanda qonǵan.
Agenttik málimetinshe, Perseverance selfıdi robottandyrylǵan qolynyń ushyna ornatylǵan WATSON (Wide Angle Topographic Sensor for Operations and eNgineering) kamerasynyń kómegimen túsirgen. Qurama sýretti jasaý úshin kamera shamamen bir saǵat ishinde 62 dál qozǵalys jasaǵan.
– Perseverance marsohody Qyzyl ǵalamshardaǵy «Soltústik naýqan» dep atalatyn besinshi ǵylymı ekspedıtsııasyn júrgizip jatyr. Sharm kóli aýdany marsohod barǵan ǵylymı turǵydan eń qyzyqty aýmaqtardyń biri sanalady, – dep habarlady agenttik osy aptada.
Aıta keteıik, bıyl qańtar aıynda Qytaı Marsqa baratyn mıssııa aıasyndaǵy halyqaralyq seriktesterdi irikteý jumysyn aıaqtady.
