Marsta tirshilik kózi bolǵandyǵynyń taǵy bir belgisi tabyldy

ASTANA. 10 jeltoqsan. QazAqparat - Marsta sýy tuşy ejelgi kól orny tabyldy. Ǵalymdardyń pikirinshe, onda buryn tirshilik kózi bolǵan. Bul týraly Euronews telearnasy habarlady.

Osyndaı sheshimge ǵalymdar Curiosity arnaıy qurylǵysynyń Marstan jibergen málimetterine saraptama jasaı otyryp kelgen. Olar Geıldiń kraterinde osydan shamamen 3,5 mlrd. jyl buryn kógildir kól aıdyny shalqyǵan dep boljap otyr. Jáne onda ómir súrýge qajetti - kómirtek, sýtek, azot jáne kúkirt jetkilikti bolǵan.

Kól uzaq ýaqyt boıy, múmkin tipti ondaǵan, júzdegen myń jyl boıy ómir súrgen. Sondaı-aq, ǵalymdar boljammen sýdyń ortasha temperatýrasyn jáne oǵan ózen sýynyń tolassyz quıylyp turǵandyǵyn anyqtady.

Ǵalymdar Marstaǵy sý túrli hımııalyq jáne mıneraldy elementterge baı bolǵan dep boljaıdy.