Marsta tirshilik izdeıtin ExoMars-2016 mıssııasy Baıqońyrdan ushyryldy

ASTANA. QazAqparat - Eýroodaq pen Reseı yntymaqtastyǵynyń tarıhynda alǵash ret Marstaǵy tirshilikti zertteıtin ExoMars-2016-ny (EkzoMars-2016) alyp «Proton-M» zymyran tasýshysy Baıqońyrdan ushyryldy, dep habarlady reseılik «RIA Novostı» agenttigi.

2016 jylǵy mıssııasynyń negizgi mindeti - Marstaǵy tirshiliktiń bar ne joq ekenin rastaı alatyn metan gazyn planeta atmosferasynan izdeıdi, sondaı-aq 2018 jylǵa josparlanǵan ExoMars ekinshi ekspedıtsııasy úshin qajetti negizgi tehnologııalardy tekseredi.

«Proton» josparǵa sáıkes ýaqytta ushyryldy, - dedi Reseıǵarysh ókili.

Mıssııanyń ekinshi kezeńin 2018 jyly júzege asyrý josparlanǵan.