Marsta sýdyń bary týraly teorııa joqqa shyǵaryldy
ASTANA. QazAqparat - Frantsııa men AQSh ǵalymdary Marstyń joǵarǵy qabatyn zertteýshi «Curiosity» qurylǵysynan alynǵan málimetterdi zerdeleı kele, atalmysh ǵalamshar betindegi ózenderdiń «saǵasy» sýǵa esh qatysy joq degen túıinge keldi.
Ǵalymdar Marstyń betindegi «jyralar» men «arnalardy» zertteı kele, olar qatty kúıdegi kómirtek dıoksıdiniń áserinen paıda bolýy múmkin dep sheshti. Anyqtalǵandaı, temperatýra qatty tómendegen kezde topyraq bólshekteri atalmysh kómirtek dıoksıdiniń ústimen syrǵıdy.
Mars Reconnaissance Orbiter marstyq apparaty túsirgen sýretter mamandardyń paıymyn rastady, dep habarlaıdy AZERTADJ Nature Geoscience saıtyna silteme jasap.
Aıta keteıik, buǵan deıin NASA 4 mlrd jyl buryn Marsta sý bolǵanyn jáne olardan Sharp taýynyń mańynda kólder qalyptasqanyn jarııalaǵan bolatyn.
