Marsta basyna krest qoıylǵan qabir tabyldy - VIDEO
ASTANA. QazAqparat - 2 jyl boıy Qyzyl planetany zerttep júrgen Curiosity Marsta júrý apparaty Jerge biregeı fotosýretterdi jiberýin toqtatqan emes. Ol bul joly basyna krest ornatylǵan qabir tapty, dep jazady utro.ru.
Bul sýretti muqııat zerttep qana qoımaı, ol jaıly vıdeo jasap shyqqan «Truthseeker» degen nıkti jeli paıdalanýshysynyń pikirinshe, Marsta baıqalǵan dinı sımvol aǵashtan jasalǵan krest. Al shaǵyn plıta belgi tasqa uqsaıdy.
«Bul qabirdegi ólgen adamnyń esimi jazylatyn belgi tasqa uqsaıdy. Bul NASA jarııalaǵan sýretterdiń ishinde krestti baıqaýǵa bolatyn Marsta túsirilgen sýretterdiń alǵashqysy emes», - degen jeli paıdalanýshysynyń sózin cryptozoologynews.com jazdy.
Eske sala keteıik, sáýir aıynyń basynda Curiosity Jerge jibergen sýretterinde ashyq tústi jolaq bolǵan. Ǵalymdar muny Mars jartasyndaǵy kún sáýlesiniń shaǵylysýynan paıda boldy dep túsindirgen.
Alaıda erekshe qubylystarǵa áýes jandar bul jaryq Marstaǵy ómirdiń bar ekenin aıǵaqtaıdy dep otyr.
