Marsqa jiberilgen alǵashqy adamdar qaıtyp oralmaıdy – Mask

ASTANA. KAZINFORM – Ilon Mask Marsty otarlaýǵa qatysty josparlarymen bólisti. Bul týraly ol Tehastaǵy SpaceX bazasynda ótken prezentatsııa kezinde aıtty.

«Bul bir jaqty bılet», - dedi ol.

SpaceX negizin qalaýshy Ilon Mask Marsqa alǵash barǵan adamdardyń jerge qaıtyp oralmaıtynyn aıtty. Mıllıarder óziniń kompanııasynyń Marsqa mıllıon adam jiberý josparyn kópten beri ázirlep jatqanyn aıtty.

Masktyń aıtýynsha, Qyzyl ǵalamshardy ıgerý protsesi Starships bólikterin paıdalanýǵa negizdelgen. ıAǵnı, Marsqa jiberilgen alǵashqy kólikter Jerge oralmaıdy.

«Bul kemeler Marstaǵy adamdar úshin paıdaly bolady. Starship kemeleriniń bólshekterin baǵaly materıaldardy alý úshin paıdalanýǵa bolady. Bul kemeler qaıtarylmaıdy, biraq shıkizat kózi retinde paıdalanylady. Árıne, keıin jerge qaıtyp keletin qurylǵylar ázirlenedi. Biz adamdarǵa qaıtyp kelýge múmkindik berýimiz kerek, óıtkeni birli-jarymy muny qalaıdy. Biraq meniń oıymsha, Marsqa barǵan kóptegen adamdar eshqashan jerge oralmaıdy», – dedi Ilon Mask.

Ilon Mask erte me, kesh pe adamzat Starship kómegimen mýltıplanetar túrge aınalady dep úmittenedi. Bul týraly Marstaǵy adamdar Jerdiń kómeginsiz óz betinshe ómir súre alatyn jaǵdaıda ǵana aıta alamyz. Ol úshin Qyzyl ǵalamsharǵa mıllıonǵa jýyq adamdy, sondaı-aq birneshe mıllıon tonna júkti jetkizý qajet bolady.

SpaceX qurýshysy bul mıssııada qazirgi ýaqytta ushý synaqtarynan ótip jatqan Starship kemesine erekshe ról júkteıdi.