Marsqa ushyp, sol jaqta qalý úshin 706 adam talasýda

ASTANA. QazAqparat - Marsty otarlaý Mars One baǵdarlamasy boıynsha birjaqty bıletke 706 adam talasýda. Bul týraly ITAR-TASS agenttigine atalǵan jobaǵa qatysýshy Los-Andjelestiń turǵyny Sıý Enn Pıen habarlady.

Marsqa attanatyn alǵashqy alty top, árqaısysynda tórt-tórtten 2015 jyly qurylyp bolýy tıis. Aldymen 2016-2020 jyldary Marsqa turǵylyqty jáne qyzmettik modýlder turǵyzatyn robottar jiberilmek. Al adamdar 2022 jyly ushyrylyp, 2023 jyly jetedi dep boljanýda. Sol jaqta birjola qalmaq nıetpen ushatyndar 7 aıǵa jýyq jol júrmek. Alǵashqy tórttikke 2 er adam men 2 áıel adam kiredi. Mars One kompanııasynyń bas dırektory Bas Lansdorptyń aıtýynsha, bul ǵalamshardaǵy resmı til aǵylshyn tili bolmaq.

Mars One jobasy 2011 jyly bastaldy. Jobanyń maqsaty - Marsta adamdar mekenin qurý jáne ondaǵy tirshiliktiń jaıyn Jerge tikeleı efırden taratý.