Marsqa 165 myń adam ushýǵa tilek bildirdi
ASTANA. 31 tamyz. QazAqparat - 2023 jyly Marsqa adamdar attandyrý jónindegi gollandtyq Mars One kompanııasynyń jobasyna 170 myńǵa jýyq adam ótinim joldady. Ǵaryshtyq jobanyń quny 6 mıllıard dollardy quraıdy, dep habarlady Ýtro.rý.
Joba saıtynyń habarlaýynsha, eń sońǵy ótinim berý kúni - 31 tamyzǵa deıin 140 elden 165 myńnan astam adam ótinim berip, 5 dollardan 75 dollarǵa deıin aqshasyn tóledi. Kompanııanyń negizin qalaýshy jáne bas dırektory Bas Dansdorp "jańa násilge" keminde mıllıon Jer turǵyndary jazylady dep paıymdaǵan bolatyn.
2015 jylǵa qaraı eriktilerden 24 adam iriktelip, birneshe jyl boıy jattyǵýdan ótedi. Qonystanýshylardyń alǵashqy tórttigi Marsqa 2022 jyly attanbaq, olardyń onda baryp túsýi 2023 jylǵa josparlanǵan. Bir jaqqa ushýdyń ózi jeti aıǵa jýyq ýaqyt alady. Odan ári eki jylda bir ret jańa qonysqa tórt adamnan ushyp turatyn bolady. "Búkil álem bul sapardy baqylap, asyǵa kútedi", - dedi fızıkadan Nobel syılyǵynyń laýreaty Jerar Hooft.
Mars One óz shyǵyndaryn aqtaý úshin ǵalamshararalyq TV-shoý uıymdastyryp, alǵashqy jáne odan keıingi ekıpajdardyń daıarlanýynyń búkil úderisin tikeleı efırde kórsetpek.
Mars One joba aýqymynda 2016 jyly Marsqa baılanys spýtnıgin attandyryp, eki jyldan keıin onda marsohodty jibermek. Ol jańa kolonııanyń qonystanýshylaryna yńǵaıly jer izdeıdi. 2020 jylǵa qaraı Qyzyl ǵalamsharǵa onda ushyp baratyndarǵa ómirlik qajetti nárseler jetkizilmek.
