«Marshrýt paraǵynyń» muǵalimderge esh qatysy joq – Bilim mınıstrligi
NUR-SULTAN. QazAqparat – Bilim jáne ǵylym mınıstrligi júıesinde «marshrýt paraǵy» degen qujat joq. Bul týraly atalǵan vedomstvonyń vıtse-mınıstri Sholpan Karınova onlaın brıfıngide málim etti, dep habarlaıdy QazAqparat tilshisi.
Brıfıng barysynda «muǵalimder «martshrýt paraǵyn» toltyrýǵa mindetti me?» degen suraq qoıyldy.
«Búginde áleýmettik jelilerde «marshrýt paraǵyn» toltyrý týraly másele kóterilip júr. Eshqandaı da «marshrýt paraǵy» degen qujat joq, ıaǵnı mınıstrlik mundaı talaptardy qoımaǵan. Kúndelik júıesinde de osyndaı qaǵazdy toltyrý eskerilmegen, sondyqtan mundaı is-qımyldardyń esh qajeti joq», - dedi vıtse-mınıstr.
Osy oraıda ol atalǵan marshrýttyq paraqtyń muǵalimderdiń jalaqysyna esh qatysy joq ekenin atap ótti.
«Atap aıtqanda, bizde marshrýt paraǵy degen uǵym joq. Odan basqa, muǵalimniń jalaqysyna atalǵan paraqtyń eshbir qatysy joq ekenin atap ótken jón. Ustazdyń jalaqysy óziniń tarıftelýine qaraı iske asyrylady. Sizderge oqý jylyna tarıfıkatsııalyq tizim bekitildi, onda júrgizilip ortyrǵan jyldyq kólemdegi saǵattardyń sany qamtylǵan», - dedi Sh. Karınova.
Budan buryn habarlanǵandaı, Sholpan Karınova qashyqtan oqýda muǵalimderden esep berý talap etilmeıtinin atap ótti.
Sonymen qatar Qazaqstanda mektep oqýshylarynyń sabaǵy jaz aılaryna shegerilmeıtini aıtyldy.
