Marshall araldarynda parlament ǵımaratynyń bir bóligi órtten joıyldy

ASTANA. KAZINFORM — Marshall araldary Respýblıkasynda iri órt oqıǵasy tirkelip, Parlament ǵımaratynyń shamamen jartysy janyp ketken, dep jazady AZERTADJ.

Agenttik Reuters-ke silteme jasap habarlaǵandaı, bul týraly eldiń órtke qarsy qyzmeti men polıtsııasy taratqan baspasóz habarlamasynda aıtylǵan.

Órt sóndirýshiler oqıǵa ornyna jedel jetip, jalyndy oqshaýlaǵan. Alaıda bılik ókilderi ǵımarattyń qalǵan bóligi de paıdalanýǵa jaramsyz ekenin málimdedi, sebebi qurylymdyq buzylýlar óte kúrdeli.

Qazirgi ýaqytta órttiń shyǵý sebebi men zardap shekkender týraly aqparat túsken joq.

Marshall araldary arhıpelagy Tynyq muhıtynyń ortalyq bóliginde, Gavaıı men Aýstralııanyń arasynda ornalasqan. Halqy shamamen 42 myń adamdy quraıdy, sonyń jartysyna jýyǵy el astanasy Madjýroda turady.

Budan buryn Maldıv araldarynyń qorshaǵan ortany qorǵaý mınıstri prezıdent Mohammed Mýızge «qara sıqyr» qoldanǵany úshin qamaýǵa alynyp, qyzmetinen ýaqytsha shettetilgeni belgili boldy.