Marseldegi Reseı konsýldyǵy janyndaǵy jarylys: kúdiktiler qamaýǵa alyndy

ASTANA. KAZINFORM — Reseı Federatsııasynyń Marseldegi Bas konsýldyǵyna shabýyl jasady degen kúdikpen eki adam qamaýǵa alyndy, dep habarlaıdy Kazinform agenttigi TASS-qa silteme jasap.

— Marsel prokýratýrasy kámeletke tolǵan eki azamattyń ustalǵanyn jáne olardyń qamaýǵa alynǵanyn rastaıdy, — dedi habarlady qala prokýratýrasy TASS aqparat agenttigine.

Dúısenbi kúni tańerteń, 24 aqpanda, Marsel qalasynyń 8-shi okrýgindegi Reseı konsýldyǵynyń aýmaǵyna tutandyrǵysh qospadan turatyn eki bótelke laqtyryldy. Eki snarıad ta ǵımaratqa zııan tıgizbedi. Zardap shekkender joq.

Konsýldyq 8-shi okrýgtegi Ambrýaz-Pare dańǵylynda ornalasqan. Bul okrýgte kóptegen konsýldyq, sonyń ishinde Mysyr, Týnıs, Armenııa, San-Tome jáne Prınsıpı elshilikteri shoǵyrlanǵan. Oqıǵa ornynda otyzǵa jýyq órt sóndirýshi men polıtsııa qyzmetkerleri bar.

Sonymen qatar oqıǵa ornynyń janynan urlanǵan kólik tabyldy.

Eske salsaq, osyǵan deıin Frantsııa Syrtqy ister mınıstrligi Marseldegi Reseı konsýldyǵy mańynda bolǵan jarylysqa túsinik bergenin jazdyq.