Marsel metrosynda poıyz relsten shyǵyp ketti
ASTANA. QazAqparat - Marsel qalasynyń (Frantsııa) metropolıteninde poıyzdyń relsten shyǵyp ketýi saldarynan 14 adam zardap shekti. Bul týraly juma kúni La Provence basylymy jazdy.
Gazet bergen málimetterge qaraǵanda, oqys oqıǵa jergilikti ýaqytpen 09:30-da (Astana: 14:30) qalanyń ońtústigindegi «Sent-Margerıt-Dromel» stansasynda bolǵan. Apat kontakt júıesindegi aqaýdan týyndaǵan.
Keleńsiz jaǵdaı saldarynan 14 adam jaraqat alyp, aýrýhanaǵa tústi. Qutqarý qyzmetiniń 40 qyzmetkeri apat saldaryn joıýǵa jumyldyrylǵan.
Marsel kólik qyzmeti metropolıtenniń ekinshi jelisiniń tórt stansasy («Kastelannan» «Sent-Margerıt-Dromel» stansasyna deıin) aralyǵyndaǵy poıyz qozǵalysy ýaqytsha toqtatylǵanyn málimdedi.
Keptelisti joıý maqsatynda qala bıligi qosymsha avtobýstardy shyǵardy.
