Marseldegi jarylys: 6 adamnyń máıiti tabyldy, izdeý jumysy jalǵasyp jatyr
ASTANA.QazAqparat - Ázirge alty adamnyń máıiti tabyldy, eki adam iz-túzsiz joǵalyp ketken, dep habarlaıdy QazAqparat Euronews-ke silteme jasap.
Qutqarý operatsııasynyń basshysy qurban bolǵandardy izdeý jumystary jalǵasatynyn aıtty.
Ǵımarat qulaǵan Tıvolı kóshesine irgeles jatqan aýdandardyń turǵyndary evakýatsııalandy. Sarapshylar ǵımarattardyń jaǵdaıyn baǵalamaıynsha, olar úılerine qaıta almaıdy.
Dúısenbi kúni keshke jarylys bolǵan jerge jaqyn ornalasqan shirkeýde zardap shekkenderge duǵa oqyldy.
Ǵımarattyń qıraý sebebi naqty anyqtalǵan joq. Tergeýshiler gaz jarylýynan bolýy múmkin degen boljam jasady.
