Marselde turǵyn úı qulady, zardap shekkender bar

PARIJ. QazAqparat - Frantsııanyń ońtústigindegi Marsel qalasynyń ortalyǵynda turǵyn ǵımarat opyrylyp qulady, dep málimdedi jeksenbi, 9 sáýirge qaraǵan túni qala meri Benýa Paııan, dep habarlaıdy QazAqparat DW-ge silteme jasap.

Oqıǵa jergilikti ýaqyt boıynsha shamamen 00.40-ta boldy - Tıvolı kóshesindegi №17 úı qırady, ǵımaratpen janasyp turǵan úıler de jarym-jartylaı qulady.

Bılik oqıǵanyń sebebi men zardap shekkender sanyn anyqtaýda. Jaqyn mańdaǵy turǵyndar evakýatsııalandy. Kem degende eki adam jeńil jaraqat aldy, dep jazady La Provence.

Paııan oqıǵa ornyndaǵy izdestirý jumystaryna qırandylardan shyqqan órt kedergi bolyp otyrǵanyn atap ótti. Ol sondaı-aq, úıdiń opyrylyp qulaýyna jarylys sebep bolýy múmkin ekenin aıtty, biraq onyń shyǵý tabıǵaty belgisiz.

Provans-Alpi-Kókshil jaǵalaý aımaǵynyń prefekti Krıstof Mırman da Frans Press agenttigine bergen túsiniktemesinde qıraý gaz jarylysynan bolýy múmkin ekenin aıtty.

Kýágerlerdiń aıtýynsha, qıraý aldynda jarylys bolǵan.

Oqıǵa Marselde sońǵy jyldardaǵy eń úlken ǵımarat qıraýlarynyń biri boldy. 2018 jyldyń qarashasynda Marseldegi eki ǵımarattyń qulaýy saldarynan segiz adam qaza tapqan.