Mars kompanııasy 55 elden óz ónimderin keri qaıtaryp jatyr
ASTANA. QazAqparat - Amerıkalyq shokoladty toqash óndirýshi Mars Inc. kompanııasy 55 elden óz ónimderin keri qaıtaryp jatyr, dep habarlaıdy Bı-bı-sı.
Buǵan 8 qańtar kúni Germanııada satyp alynǵan Snickers shokoladty toqashynyń (atalǵan kompanııanyń ónimi) ishinen tabylǵan qyzyl plastık synyǵy sebep bolǵan.
Kompanııanyń málimetinshe, osy oqıǵadan soń bul shokolad Gollandııanyń Fehel qalasynda shyǵarylǵany anyqtalǵan. Aldyn ala boljam boıynsha, shokoladqa ony jasaý kezinde qoldanylatyn qondyrǵylardyń biriniń plastık bólshegi túsip ketken.
Kompanııa ónimderdi keri qaıtarýdan keletin shyǵyn mólsherin jarııalamady.
Buǵan deıin kompanııanyń Mars, Snickers, Milky Way Minis jáne Milky Way Miniatures ataýly ónimderi ǵana emes, sondaı-aq 2016 jyldyń shildesinen 2017 jyldyń qańtaryna deıin jaramdy Celebrations kámpıtteri de keri qaıtarylatyny habarlanǵan.
