22:56, 09 Qyrkúıek 2024 | GMT +6
Marokkonyń ońtústik-shyǵysynda sý tasqynynan 11 adam qaza tapty
ASTANA. KAZINFORM – Marokkonyń ońtústik-shyǵys bóliginde nóser jaýynnan bolǵan sý tasqynynan qaza tapqandar sany 11 adamǵa jetti, dep jazady Anadoly agenttigi.
Qatty daýyl men sý tasqynynan Tata qalasynda 7 adam, Tıznıt pen Er-Rashıdıde 2 adamnan qaza tapty. Sondaı-aq Tata, Er-Rashıdı jáne Tarýdantta 9 adam iz-túzsiz joǵaldy. Bul týraly eldiń ishki ister mınıstrliginiń ókili Rashıd el-Halefı málimdedi.
El-Halıfı sońǵy eki kúnde jaýǵan jaýyn-shashyn aımaq úshin jyldyq normanyń jartysyna jýyǵyn quraǵanyn atap ótti.
Onyń aıtýynsha, sý tasqyny saldarynan 24 úı tolyǵymen qıraǵan, 16-sy ishinara búlingen, taǵy 93 jol búlingen, kólik baılanysy úzilgen, elektr, sý jáne telefon jelileri zaqymdalǵan.
