Marokkodaǵy týrnır: Qazaqstannyń boksshy qyzdary 1-oryn aldy

ASTANA. QazAqparat - Marokko elinde ótken «Golden Belt Series Marrakesh» («Altyn belbeý») halyqaralyq týrnırinde elimizdiń áıelder quramasy medaldar kestesinde birinshi oryn aldy, dep habarlaıdy QazAqparat tilshisi.

Halyqaralyq týrnır 2-10 aqpan aralyǵynda Marrokkonyń Marrakesh qalasynda ótti. Onda barlyǵy 34 elden kelgen bylǵary qolǵap sheberleri baq synady. Qazaqstan atynan barlyǵy 12 boksshy oıyn kórsetti.

Nátıjesinde qazaqstandyq sportshylar barlyǵy 10 medalǵa qol jetkizdi. Onyń ishinde beseýi – altyn, ekeýi – kúmis, úsheýi – qola.

«Altyn» alǵandar qatarynda Alýa Balqybekova (48 keli), Nazym Qyzaıbaı (50 keli), Jaına Shekerbekova (54 keli), Karına Ibragımova (57 keli) jáne Valentına Halzova (75 keli) bar.

Al Aıda Ábikeeva (63 keli) jáne Lázzat Kúngeıbaeva (81 keliden joǵary) «kúmiske» qol sozsa, «qola» medal Nadejda Rıabets (66 keli), Mádına Nurshaeva (70 keli) jáne Farıza Sholtaıǵa (81 keli) buıyrdy.

El quramasynan Jazıra Oraqbaeva (52 keli) men Vladıslava Kýhta (60 keli) júldesiz qaldy.

Medaldar kestesinde eki «altynmen» Reseı quramasy ekinshi oryn alsa, bir-bir márte chempıondyq tuǵyrǵa kóterilgen Italııa, Taıvan, Mozambık jáne Marokko odan keıingi oryndardy ózara bólisti.

Eske salsaq, budan buryn atalǵan týrnırde qazaqstandyq 7 boksshy qyz fınalǵa shyqqanyn, keıin onyń beseýi jeńimpaz bolǵanyn jazǵan edik.

Ashyq kózderden alynǵan foto