Marokkodaǵy sý tasqyny 37 adamnyń ómirin qıdy
ASTANA.KAZINFORM — Marokko jaǵalaýyndaǵy Safı provıntsııasynda qatty jańbyr saldarynan bolǵan sý tasqynynan kem degende 37 adam qaza tapty.
Al Jazeera-nyń málimeti boıynsha, el astanasy Rabattyń ońtústigine qaraı shamamen 300 shaqyrym jerde ornalasqan tarıhı eski Safı qalasynda kem degende 70 úı men kásiporyn bir saǵattyq nóser jańbyrda sý astynda qaldy.
Safı provıntsııalyq ákimshiliginiń málimdemesinde izdeý-qutqarý jumystary jalǵasyp jatqany jáne zardap shekken aýdandardyń qaýipsizdigin qamtamasyz etý jáne turǵyndarǵa qoldaý kórsetý úshin qajetti sharalar qabyldanǵany aıtylǵan.
Joldyń zaqymdanýy Atlant muhıtynyń port qalasyna aparatyn birneshe baǵyttaǵy kólik qozǵalysyn toqtatty.
Dúısenbide Safı provıntsııasynyń Ulttyq bilim berý basqarmasy barlyq mektepte sabaqtardy toqtatty.
Meteorologııalyq qyzmet seısenbide búkil el boıynsha nóser bolady dep boljaıdy.
Sonymen qatar, Marokkonyń shyǵysynda qatty aıaz saldarynan qaıtys bolǵandar tirkeldi. Aljır shekarasyna jaqyn jerde sońǵy aptada Saharadan ońtústik Afrıkadan kelgen toǵyz qujatsyz mıgrant gıpotermııadan qaıtys boldy.
Buǵan deıin Shrı-Lankada sý tasqyny saldarynan qaza tapqandar sany 334-ke jetkeni týraly jazǵan edik.