Marokkodaǵy sý tasqynynan qaza tapqandar sany 41 adamǵa jetti
ASTANA.KAZINFORM — Marokkoda jeksenbi kúni nóser jańbyr saldarynan bolǵan sý tasqynynan 41 adam qaza tapty. Bul týraly dúısenbi kúni jergilikti bılik ókilderi habarlady, dep Sınhýa jazdy.
Atlant muhıty jaǵalaýyndaǵy Safı provıntsııasynda qaza tapqandar sany 37 adamǵa deıin artqan, taǵy 14 adam túrli jaraqatpen aýrýhanalarda em qabyldap jatyr.
Al eldiń ońtústigindegi Tıngır provıntsııasynda tórt adam kóz jumdy. Jergilikti Hibapress basylymynyń málimetinshe, olardyń mingen kóligin qatty aǵyn sý alyp ketken.
Habarlamada aıtylǵandaı, Safı qalasyndaǵy sý tasqyny shamamen bir saǵatqa sozylǵan kúshti nóser men naızaǵaıdan keıin bolǵan. Qalada ondaǵan turǵyn úı men dúkendi sý basyp, kóptegen kólikter aýdarylyp, aǵyn sýmen shaıylyp ketken. Sonymen qatar joldar zaqymdalyp, kólik qozǵalysynda jappaı irkilister tirkeldi.
Marokko bıligi aldaǵy kúnderi jaýyn-shashyn odan ári kúsheıýi múmkin ekenin eskertti. Osyǵan baılanysty dúısenbi kúni tórt provıntsııada mektepter jabylyp, tótenshe jaǵdaıǵa jedel áreket etý boıynsha aýqymdy sharalar bastaldy.
Buǵan deıin Marokkodaǵy sý tasqyny 37 adamnyń ómirin qıǵanyn jazǵan edik.