Marokkodaǵy sý tasqyny bılikti 108 000-nan asa adamdy evakýatsııalaýǵa májbúr etti

ASTANA. KAZINFORM — Sársenbi kúni Marokko bıligi eldiń soltústik-batys jazyq aýdandarynda sý tasqyny qaýpi joǵary aımaqtardaǵy turǵyndarǵa dereý evakýatsııalanýdy shaqyrdy, dep habarlaıdy AZERTADJ Reuters agenttigine silteme jasap.

Sý tasqyny uzaq jaýyn-shashyn, ózenderdiń tolyp aǵýy jáne sý qoımalarynyń shekten tys tolýy sebepti oryn aldy. Evakýatsııalanǵandardyń jalpy sany 108 432 adamǵa jetti.

Eldiń Іshki ister mınıstrliginiń derekterine sáıkes, sý basqan aýdandarda aýyl sharýashylyǵy jerleri men turǵyn pýnktteri sý astynda qalǵan, evakýatsııalyq operatsııalarǵa tikushaqtar tartylǵan.

Resmı málimetterge qaraǵanda, elde jaýyn-shashyn kólemi ótken jyldyń osy kezeńimen salystyrǵanda 215%-ǵa ósken jáne kópjyldyq ortasha deńgeıden 54%-ǵa asyp ketken.

Eń aýqymdy evakýatsııa Ksar-el-Kebır qalasynda ótti, onda bılik málimetteri boıynsha turǵyndardyń shamamen 85%-y úılerin tastap ketken. Ótken aptada Lýkýs ózeniniń arnasynan asyp ketýi nátıjesinde kóptegen turǵyn kvartaldary sý astynda qaldy.

Qala turǵyndary keıbir aýdandarda elektr energııasynyń úzilýi týraly habarlady.

Budan buryn jeltoqsanda Marokkodaǵy sý tasqynynan qaza tapqandar sany 41 adamǵa jetkenin jazǵanbyz.