Marokkoda zilzala qurbandarynyń sany 1 myń adamnan asty

RABAT. QazAqparat – Marokkoda 7,0 magnıtýdasymen bolǵan jer silkinisi saldarynan qaza tapqandar sany 1037 adamǵa jetti, taǵy 721-i zardap shekti. Mundaı málimetti Koroldiktiń Іshki ister mınıstrligi keltirdi. QazAqparat bul týraly Anadolyǵa silteme jasap habarlaıdy.

9 qyrkúıekke qaraǵan túni Marrakeshte 7 ball qýatymen bolǵan zilzala, keıingi júzdegen jylda alǵash tirkelip otyr. Marrakesh pen Agadırde ǵımarattar qırady.

Marokkonyń áskerı qyzmetshileri, jergilikti ákimshilikter, qaýipsizdik kúshteri men azamattyq qorǵaý jasaqtary izdestirý-qutqarý jumystaryn jalǵastyryp jatyr, apat aımaǵyna gýmanıtarlyq kómek jetkizý úshin barlyq kúsh-jiger jumyldyryldy.

Marokkolyq BAQ-tyń málimetinshe, jerasty dúmpýi Rabatta, sondaı-aq Kasablanka, Meknes, Agadır jáne Fes syndy qalalarda sezildi.

Marokkonyń Ulttyq geofızıka ınstıtýtynyń habarlaýynsha, jer silkinisiniń oshaǵy Marrakeshtegi El-Haýz aýdanynda ornalasty. Tereńdigi – 8 shaqyrym. Terbelister epıtsentrden 400 km radıýsta sezildi.

Qýatty dúmpýden keıin júzdegen aftershok tirkeldi, magnıtýdasy eń úlkeni – 6,0.

Prezıdent Qasym-Jomart Toqaev Marokko Koroli VI Muhammedke kóńil aıtý jedelhatyn joldady.