Marokkoda tasqyn sý avtobýsty aýdaryp jibergen: 17 adam ajal qushty
NUR-SULTAN. QazAqparat - Marokkonyń ońtústik batysynda tasqyn sý avtobýsty aýdaryp jibergen. Saldarynan 17 adam qaza tapty, dep habarlaıdy Al-Awsat.
Keleńsiz jaǵdaı keshe bolǵan. Avtobýs Errahıdııa qalasyna jaqyn mańda kópirden óter sátte aýdarylǵan.
Aldyn ala derekterge qaraǵanda, keminde 17 adam qaza tapqan. Qutqarýshylar aldymen alty jolaýshynyń denesin tapqan jáne 11-iniń máıiti kómek kórsetý operatsııasy barysynda anyqtaldy.
Jergilikti bılik túrli jaraqat alǵan ózge 29 jolaýshynyń jaǵdaıy «qalypty» ekendigin, Errahıdıdegi aýrýhanaǵa jetkizilgenin málim etti.
Zardap shekkenderdiń aıtýynsha, júrip kele jatqan avtobýs kópirden óter kezde kenetten sý basyp qalǵan. Kólik ne alǵa, ne artqa júre almaǵan. Kúsheıgen tasqyn sý ishi jolaýshylarǵa toly avtobýsty aýdaryp jibergen.
