Marokkoda poıyz apatynan 10 adam qaza taýyp, 90-y zardap shekti
ASTANA. QazAqparat - Marokko astanasy Rabattyń mańynda poıyzdyń relsten shyǵyp ketýi saldarynan kem degende on adam qaza taýyp, taǵy 90-ǵa jýyq adam zardap shekti. Bul týraly Sky News Arabia habarlady.
Telearna taratqan habarlarǵa qaraǵanda, poıyz Kasablankadan eldiń soltústik-batysyndaǵy Kenıtra qalasyna bara jatqanda apatqa ushyraǵan.
Al jergilikti Yabiladi.com portalynyń Sale vıtse-meri Abdellatıf Sýdaǵa silteme jasaı habarlaýynsha, oqys oqıǵa Marokkoǵa jaqyn mańdaǵy Sale qalasynyń túbinde bolǵan.
Foto: www.yabiladi.com
