Marokkoda mıgranttardyń Ispanııa baqylaýyndaǵy Seýtaǵa jappaı ótý áreketi toqtatyldy
ASTANA. KAZINFORM — Marokko bıligi Ispanııanyń baqylaýyndaǵy Seýtaǵa jappaı ótýge áreket jasaǵan 109 zańsyz mıgrant pen Marokkonyń eki azamatyn ustady, dep habarlaıdy Anadoly.
15 tamyzda júzdegen zańsyz mıgrant Seýtaǵa jappaı ótýge tyrysqan. Alaıda Marokko kúshtik qurylymdary olardyń áreketine tosqaýyl qoıǵan. Ustalǵan mıgranttar Afrıka elderiniń azamattary.
Seýta men Melılıa mańynda qaýipsizdik sharalary kúsheıtilip, zańsyz ótý áreketteriniń aldyn alý úshin qosymsha kúsh pen tehnıka jumyldyrylǵan. Operatsııa barysynda ushqyshsyz apparattar, arnaıy kólikter men sý shashatyn tehnıka qoldanyldy.
Marokko bıligi áleýmettik jelilerde jappaı zańsyz kóshýge shaqyratyn jarııalanymdardyń taralýyn da baqylaýǵa alǵan. El Іshki ister mınıstrliginiń málimetinshe, belgisiz tulǵalar 15 tamyzda Seýta men Melılıaǵa jappaı ótýge shaqyrǵan habarlamalar taratqan.
Marokko bıligi mundaı áreketterdiń uıymdastyrýshylaryn anyqtaý jáne zańsyz shekaradan ótýge jol bermeý boıynsha operatsııalardy jalǵastyratynyn málimdedi.
Aıta ketelik Ispanııa mıgranttardyń jańa jappaı aǵymynan qaýiptenip, Seýtaǵa áskerı kemeler jibergen edi.
