Marokkoda qaza tapqandar sany 1,3 myńnan asty: Elde qaraly kún jarııalandy

MARRAKESh. QazAqparat – Ótken túni Marokkoda bolǵan joıqyn zilzala saldarynan qaza tapqandar sany jergilikti saǵat 19.00-degi (GMT+1) jaǵdaı boıynsha, 1305 adamǵa jetti. Taǵy 1832 adam zardap shekti, olardyń 1220-sy asa aýyr halde. QazAqparat bul týraly EFE-ge silteme jasap habarlaıdy.

Eldiń Іshki ister mınıstrligi jarııalaǵan sońǵy málimetke sáıkes, mert bolǵandar sany ondaǵan provıntsııada tirkeldi: jer silkinisi oshaǵyna jaqyn ornalasqan Marrakeshtiń ońtústigindegi El-Haýzda 694 adam kóz jumdy, odan keıin tizimde Tarýdant (347 adam mert boldy), Chıchaýa (191), Ýarzazat (39), Marrakesh (14), Azılal (11), Agadır (5), Kasablanka (3), Al-ıÝsýfııa (1) jáne Tıngýır (1) tur.

Marokko koroli Muhammed VI kóptegen adamnyń qazasyna baılanysty elde úshkúndik qaraly kún jarııalady. Sondaı-aq ol zardap shekkenderge kómek kórsetý jáne zaqymdalǵan ǵımarattardy qalpyna keltirý boıynsha tótenshe jaǵdaı baǵdarlamasyn ázirleýdi buıyrdy.

Eske salaıyq, Marokkoda qýaty 7 baldyq jerasty dúmpýi 9 qyrkúıekke qaraǵan túni boldy. Buǵan deıin 1037 adamnyń kóz jumǵany týraly habarlandy.

Prezıdent Qasym-Jomart Toqaev Marokko Koroli VI Muhammedke kóńil aıtý jedelhatyn joldady.