«Marokko» rallıiniń qorytyndysy boıynsha Astana Dakar komandasy úzdik ondyqqa endi
ALMATY. 21 qazan. QazAqparat - Prezıdenttik klýbtyń múshesi «Astana» komandasy bedeldi halyqaralyq «Marokko» rallıindegi jarysyn toqtatty.
Jarys osy eldiń aýmaǵynda 13-19 qazan aralyǵynda ótken bolatyn. Qatysýshylarǵa jalpy uzyndyǵy eki myń shaqyrymnan asatyn asa kúrdeli joldan ótýge týra keldi. Astana Dakar komandasyna tıesili úsh jeńil ekıpaj quramynyń ekeýi úzdik ondyqqa kirdi.
HiLux Overdrive avtokóligimen T1 sanaty boıynsha jarysqa qatysqan Aıdyn Rahymbaev/Konstantın Jıltsov jáne Baýyrjan Isabaev/Gabdolla Áshimov ekıpajy báseke qorytyndysy boıynsha 6 jáne 8 oryndardy ıelendi. Al Nissan Patrol avtokóligindegi olardyń áriptesteri Denıs Berezovskıı/Ignat Falkovtar týrnırdiń 44 orynyn qanaǵat tutty.
