Marokko men Týnıs fýtboldan 2026 jylǵy álem chempıonatyna joldama aldy

ASTANA. KAZINFORM — Fýtboldan 2026 jylǵy álem chempıonaty fınaldyq kezeńine joldama alǵan taǵy eki qurama belgili boldy.

Mundaı múmkindikke Afrıka qurlyǵynan Marokko men Týnıs quramalary ıe boldy. Ekeýi de dúbirli dodaǵa jetinshi márte qatysady.

Qazirge deıin álem chempıonatyna AQSh, Kanada, Meksıkadan ózge Ońtústik Amerıka qurlyǵynan Ýrýgvaı, Kolýmbııa jáne Paragvaı, Azııadan Japonııa, Iran, Ózbekstan, Ońtústik Koreıa, Iordanııa, Aýstralııa, muhıt aımaǵynan Jańa Zelandııa qatysatyny anyqtaldy.
Ázirge Soltústik Amerıka men Eýropadan eshqandaı qurama shyǵa alǵan joq. Olar irikteý kezeńin qarasha aıynda aıaqtaıdy.

9 qyrkúıekte Eýropa qurlyǵy boıynsha bes topta kezekti týr oıyndary ótedi.
Álem chempıonatynda alǵash ret 48 qurama synǵa túsedi.

D tobynda Ázerbaıjan men Ýkraına 1:1 esebimen teń tússe, Frantsııa Islandııany 2:1 esebimen jeńdi.

Al F tobynda Armenııa quramasy Irlandııany 2:1 esebimen jeńse, Vengrııa Portýgalııaǵa 2:3 esebimen ese jiberdi.

Sondaı-aq H tobynda Bosnııa jáne Gertsogovına Aýstrııaǵa 1:2 esebimen jeńilse, Kıpr men Rýmynııa 2:2 esebimen teń oınady.

I tobynda Norvegııa Moldovany 11:1 esebimen tas-talqan etse, K tobynda Albanııa Latvııany 1:0 esebimen jeńip, Serbııa Anglııaǵa 0:5 esebimen jol berdi.

Eske salsaq, Qazaqstan jasóspirimder quramasy Slovenııadaǵy týrnırde Islandııadan jeńildi.