Marokko koroli 400 terrorıstke raqymshylyq jarııalady

ASTANA. QazAqparat - Marokko koroli Mýhammed VI lańkestik áreketteri úshin aıyptalǵan 400 adamǵa raqymshylyq jarııalady, dep habarlaıdy Rıa Novostı.

Raqymshylyq týraly jańalyq Marokkodaǵy revolıýtsııanyń 64 jyldyǵy qarsańynda jarııalandy. 

«Raqymshylyqqa ilikkender resmı túrde ult qundylyǵyn qoldaıtyndyqtaryn aıtyp, ekstremıstik jáne terrorıstik áreketterden bas tartatyndyqtaryn jarııalaǵan. Sondaı-aq olar qamaýda bolǵan ýaqytta tártipsizdikterge boıy aldyrmaı, ózderin jaqsy jaǵynan kórsetti»,-delingen mınıstrliktiń habarlamasynda.

Aıta keteıik, 18 tamyz kúni Marokko azamaty Fınlıandııanyń Týrký qalasynda terakt uıymdastyrdy. Osy áreket boıynsha 5 marokkolyq ustalǵan bolatyn.