Marokko ımamdary naýqastardyń janyn saqtap qalý úshin halyqty donor bolýǵa shaqyrdy
ASTANA. QazAqparat - Marokkoda donor bolýshylardyń óte azdyǵynan eldi donor bolýǵa jappaı úgitteý naýqany bastaldy. Osylaısha, ımamdar meshitke kelýshilerge donorlyq maqsatta otaǵa kelisý Quranǵa esh qaıshy emestigin ýaǵyzdaıdy, dep jazady VVS.
Marokkoda jylyna adam múshelerin aýystyrý boıynsha 20-30-dan asa ota ǵana jasalady. Al, ota jasatýǵa muqtaj patsıentterdiń sany jeti myń adamǵa jýyq, deıdi donorlyq keńes berý tobynyń basshysy Benıýssef Ramdanı.
Koroldikte 34 mıllıonǵa jýyq adam turady. Sonyń ishinde donor bolýǵa kelisim bergen adamdar sany óte az - 250 adamnyń biri ǵana donor bolǵysy keledi. Salystaratyn bolsaq, Frantsııadaǵy árbir tórtinshi azamat óz múshesimen bólisýge daıyn, onda jylyna shamamen 12 myń ota jasalady. Ondaǵy turǵyndar sany 67 mıllıon adamǵa jaqyndaǵan.
