Marokko alǵashqy «shybyn fabrıkasyn» ashty

ASTANA. KAZINFORM — Marokkonyń Agadır qalasynda tsıtrýsty daqyldardy aýyl sharýashylyǵy zııankesterinen qorǵaýǵa baǵyttalǵan alǵashqy sterıldi shybyn óndiretin zaýyt ashyldy, dep habarlaıdy AZERTADJ.

Bul ınnovatsııalyq joba Halyqaralyq atom energııasy agenttigi (MAGATE) men BUU-nyń Azyq-túlik jáne aýyl sharýashylyǵy uıymynyń (FAO) qoldaýymen júzege asyp jatyr.

Ol sterıldi jándikter tehnologııasyna negizdelgen. Bul ádis boıynsha erkek jándikter qorshaǵan ortaǵa jiberiler aldynda sáýlelendiriledi, sonyń nátıjesinde olardyń kóbeıý qabileti joıylady, dep jazady marokkolyq Akhbarona elektrondy gazeti.

Bul tehnologııa zııankesterdiń sanyn azaıtýǵa jáne hımııalyq pestıtsıdterge táýeldilikti tómendetýge de yqpal etedi.

Zaýyttyń basty maqsaty — azyq-túlik qaýipsizdigin qamtamasyz etý jáne tsıtrýsty daqyldar salasyndaǵy aýyl sharýashylyǵynyń ónimdiligin arttyrý. Bul sektor Marokkoda myńdaǵan otbasynyń kúnkóris kózi sanalady.

Sarapshylardyń aıtýynsha, bul joba Marokkony aýyl sharýashylyǵy zııankesterimen zamanaýı ǵylymı ádister arqyly kúresetin aldyńǵy qatarly elderdiń qataryna qosady. Sonymen qatar, ekologııa men aýyl sharýashylyǵyndaǵy máselelerdi halyqaralyq deńgeıde birlesip sheshýge qosqan úlesin kórsetedi.

Osyǵan deıin Marokko zamanaýı bronetehnıka óndirisine daıyndalyp jatqanyn jazǵan edik.