Marokko – álem chempıonatynyń 1/2 fınalyna shyqqan alǵashqy afrıkalyq qurama

ASTANA. QazAqparat - Marokko quramasy fýtboldan álem chempıonatynyń jartylaı fınalyna shyqqan alǵashqy afrıkalyq qurama atandy, dep habarlaıdy QazAqparat tilshisi.

Aıta ketsek, marokkolyq fýtbolshylar búgin 1/4 fınalda Portýgalııany 1:0 esebimen jeńdi. Jeńis syılaǵan jalǵyz goldy ıÝssef En-Nesırı 42-mınýtta óz enshisine jazdy.

Atalǵan kezdesýde portýgalııalyq Krıshtıaný Ronaldý oıyndy qosalqy quramda bastady.

Álem chempıonatynyń shırek fınalyna osyǵan deıin afrıkalyq úsh qurama jetken bolatyn. Alaıda olardyń eshbiri jartylaı fınalǵa óte almady. Máselen, 1990 jyly Kamerýn qosymsha kezeńde Anglııaǵa 2:3 esebimen jol berdi. Al 2002 jyly Senegal da qosymsha kezeńde Túrkııadan jeńildi. Al 2010 jyly Gana penaltı serııasynda Ýrýgvaıǵa 2:4 esebimen ese jiberdi.

Endi Marokko quramasy 14 jeltoqsanda jartylaı fınalda Anglııa men Frantsııa jubynyń jeńimpazymen kezdesedi.

Taǵy bir jartylaı fınalda 13 jeltoqsanda Argentına jáne Horvatııa quramalary sheberlik baıqasady.