Marokko 7,2 mıllıon týrıst qabyldap, jańa rekord ornatty
ASTANA. KAZINFORM — 2025 jyldyń mamyryna deıin Marokko 7,2 mıllıon týrıst qabyldap, ótken jyldyń osy kezeńimen salystyrǵanda kórsetkishti 22 paıyzǵa arttyrdy, dep habarlaıdy AZƏRTAC.
Marokkonyń Týrızm, qolóner, áleýmettik jáne yntymaqtastyq ekonomıkasy mınıstrligi bul kórsetkish eldiń álemdik týrızm naryǵyndaǵy jetekshi oryndaryn rastaıtynyn jáne salany damytýǵa baǵyttalǵan strategııalyq sharalardyń tıimdiligin dáleldeıtinin málimdedi.
Mınıstr Fatıma Zahra Ammordyń aıtýynsha, bul ósim Marokkonyń týrıstik baǵyt retindegi tartymdylyǵynyń artyp kele jatqanyn kórsetedi. Ol 2023–2026 jyldarǵa arnalǵan Týrızm jol kartasynyń júzege asyrylýymen tyǵyz baılanysty. Atalǵan qujatta áýe qatynasyn jaqsartý, jarnama naýqandaryn kúsheıtý jáne týrıstik usynystardyń ár alýandyǵyn arttyrýǵa baǵyttalǵan ınvestıtsııalardy yntalandyrý sekildi basym baǵyttar qamtylǵan.
Ammordyń aıtýynsha, bul oń nátıje Marokkonyń 2030 jylǵa deıin 26 mıllıon týrıst qabyldaý josparynyń sátti júzege asýyna senimdilik beredi.
Aıta ketelik Qazaqstan TMD-da birinshi bolyp týrızm statıstıkasyna mobıldi derekterdi engizgeni týraly jazǵan edik.