Marqum Nurqanat Ǵaıypbaev: Men myltyq atqan joqpyn
TALDYQORǴAN. KAZINFORM – Búgin Jetisý oblysynyń qylmystyq ister jónindegi mamandandyrylǵan aýdanaralyq sotynda Sherzat Polattyń ólimine qatysty qylmystyq is boıynsha kezekti ashyq sot otyrysy jalǵasyp jatyr.
Tyńdalym marqum Nurqanat Ǵaıypbaev pen sottalýshy Nurqııas Ilıasov arasyndaǵy bettestirý beınejazbasyn zerdeleýden bastaldy.
Beınejazbada Nurqııas Ilıasov oqıǵa bolǵan kúni myltyqty Nurqanat Ǵaıypbaevtan tartyp alǵanyn, óz qolynda pyshaq bolmaǵanyn málimdegen. Óz kezeginde Nurqanat Ǵaıypbaev myltyq atqanyn joqqa shyǵardy.
– Jigitshe moıyndasańshy, sen myltyq attyńǵoı, – dedi Ilıasov.
– Men atqan joqpyn, – dep jaýap berdi Ǵaıypbaev.
Bettestirý barysynda sottalýshy Nurqııas Ilıasov marqumdy myltyqpen urǵanyn jáne oqıǵa ornynan qarýdy alyp ketkenin jetkizdi. Sonymen qatar ol ózinde pyshaq bolmaǵanyn aıtty.
Sonymen qatar Sherzat Polattyń anasy Gúlbara Bıshimbıeva bettestirý kezinde sottalýshylardyń biri Abzaldyń ózine «aýzyńdy jap, seni de óltiremiz» degenin aıtyp, oqıǵa kezinde barlyq qatysýshylardyń qolynda pyshaq bolǵanyn málimdedi.
Alaıda sottalýshy Nurqııas Ilıasov bul aıyptaýlarmen kelispeıtinin, oqıǵa ornynda marqumnyń anasyn kórmegenin aıtyp, bettestirýden bas tartty.
Sondaı-aq marqum Nurqanat sottalýshy Dıdar Qalıahmet oqıǵa kezinde ózine qarsy 3-4 márte qol jumsaǵanyn aıtty. Jabylyp urǵandardardyń arasynda Dıdar Qalıahmet boldy degen bettestirý beınejazbasynda.
Іs boıynsha sot otyrysy jalǵasyp jatyr.
Aıta keteıik, Qarjaýbaı Nurymovtyń qolynda qandaı pyshaq bolǵany jaıly jazǵanbyz.
Osyǵan deıin Abzal Shynasyl sottalýshylardyń bireýi Sherzatqa pyshaq salǵany jaıly málemdegen bolatyn.
Pyshaqty kórdim, biraq ózimdi ǵana qorǵaýǵa tyrystym.
Abzal Shynasyl kimdi pyshaqtaǵanyn aıtty.
Aıta keteıik, Sherzat Polattyń ólimi boıynsha alǵashqy sot otyrysynda prokýror oqıǵanyń tolyq hronologııasyn baıandady.