Marqum akter Vıacheslav Tıhonov Shtrılıtstiń roli úshin FSB syılyǵymen marapattaldy
ASTANA. Jeltoqsannyń 24-i. QazAqparat - Reseıdiń Federaldyq qaýipsizdik qyzmeti (FSB) marqum akter Vıacheslav Tıhonovty barlaýshy Shtırlıtstiń roli úshin arnaıy syılyqpen marapattady.
«Akterlyq jumys» atalymyndaǵy dál osyndaı ekinshi syılyq «jas Shtırlıts» týraly «Isaev» serıalynda Maksım Isaevtyń rolin oınaǵan Danııl Strahovqa berildi, dep habarlaıdy «RIA «Novostı» agenttigi.
«Kóktemniń 17 sáti» kóp serııaly fılminde Isaev-Shtırlıtstiń rólin somdaǵan reseılik ataqty akter Vıacheslav Tıhonov jeltoqsan aıynyń basynda 82-ge qaraǵan jasynda dúnıeden ótti. Ol kóptegen fılmderde ondaǵan rólderdi somdady. 1970 jyly «Dúısenbige deıin aman bolaıyq» fılmi úshin Memlekettik syılyqpen, al 1978 jyly «Kóktemniń on jeti sáti» kópserııaly fılmine qatysqany úshin RSFSR Memlekettik syılyǵynyń laýreaty atandy. 1980 jyly oǵan «Aq Bım Qara Qulaq» fılmine qatysqany úshin Lenındik syılyqtyń laýreaty atandy.
