Marko Rýbıonyń ushaǵy tehnıkalyq aqaýǵa baılanysty AQSh-qa oraldy
ASTANA. KAZINFORM – AQSh Memlekettik hatshysy Marko Rýbıo búgin bastalatyn qaýipsizdik jónindegi konferentsııaǵa qatysý úshin Mıýnhenge ushýy tıis bolǵan, dep habarlaıdy VVS.

Ushaq bortynda bolǵan CBS News tilshisi Margaret Brennannyń habarlaýynsha, ushyp shyqqaly shamamen 90 mınýt bolǵanda kabınanyń aldyńǵy áıneginde jaryqshaq paıda bolyp, ushqyshtar tómen bıiktikte Endrıýs áýe kúshteri bazasyna qaıtyp oralýǵa májbúr boldy.
Memlekettik departamenttiń baspasóz hatshysy Temmı Brıýs Rýbıo Germanııaǵa, odan keıin Taıaý Shyǵysqa basqa ushaqpen ushatynyn habarlady.
— Mıýnhen konferentsııasynda Rýbıo AQSh vıtse-prezıdenti Djeı Dı Venspen birge Ýkraına prezıdenti Vladımır Zelenskıımen kezdesýi tıis edi. Alaıda Rýbıonyń Mıýnhendegi bul kezdesýge úlgerý-úlgermeýi belgisiz, - dep jazdy CBS News.
Eske sala ketsek, qaýipsizdik jónindegi Mıýnhen konferentsııasy (Munich Security Conference, MSC) Germanııanyń Mıýnhen qalasynda 14-16 aqpan aralyǵynda ótedi.